نیپرا نے بجلی ایک روپے 37 پیسے فی یونٹ مہنگی کرنے کی سفارش کردی

نیپرا نے بجلی ایک روپے 37 پیسے فی یونٹ مہنگی کرنے کی سفارش کردی

اسلام آباد: نیشنل الیکٹرک پاور ریگولیٹری اتھارٹی (نیپرا) نے بجلی کی قیمت میں ایک روپے 37 پیسے فی یونٹ اضافے کی سفارش کردی ہے۔

ایکسپریس نیوز کے مطابق چیئرمین نیشنل الیکٹرک پاور ریگولیٹری اتھارٹی توصیف ایچ فاروقی کی زیر صدارت نیپرا ہیڈ کوارٹرز میں سینٹرل پاور پرچیز ایجنسی کی جانب سے ماہانہ فیول ایڈجسٹمنٹ کی مد میں بجلی کی قیمت میں ایک روپے 46 پیسےفی یونٹ اضافے کی درخواست پر سماعت ہوئی۔

نیپرا حکام نے دوران سماعت کہا کہ بجلی فرنس آئل اورڈیزل پرپیدا کی گئی، پاور پلانٹس کو ایل این جی کم دی گئی، بہتر کارکردگی والے پاور پلانٹس نہیں چلائے گئے،این پی سی سی اورسی سی پی اے کو اتھارٹی کومطمئن کرنا ہوگا۔ ایل این جی کی عالمی قیمت بڑھنے سے 9.6 ارب روپے کا اضافی بوجھ پڑا،اعدادوشمار کے مطابق جولائی کی فیول پرائس ایڈجسٹمنٹ 1.37 روپے بنتی ہے۔

نیپرا نے بجلی کی قیمتوں میں اضافے سےمتعلق فیصلہ محفوظ کرتے ہوئے کہا کہ قیمتوں میں اضافے سےمتعلق حتمی فیصلہ نیپرا اتھارٹی کرے گی۔

ایکسپریس نیوز

Share

Leave a Reply

Your email address will not be published. Required fields are marked *

%d bloggers like this: